BIDE BUKAERA
Noiz amaituko da aro goibel hau?
Bide luze eta zuzenak etenik ez du,
aurrera jotzen du, alboan geratzen diren
zaborrak ahaztuta eskaleen eskuetan.
Bidea ez da inon hausten eta beti
doa harantz, eguzkia desagertzen den
alde ilunera, lurraren bukaera
sumatzen den kostalde ederrera.
Gelditu gabe doa nire arima
bi ertz amaigabeen erdian,
inora ez, bornerik gabeko lekura.
Garai tristea da hau, maitea,
bidearen bukaera gerturatu arren
ez zaudelako jada, nire zain, han.
