Ezetz
Ezetz esan behar denean
jakin behar da ezetz esaten.
Gaur ezetz esan dut,
ez dudala lan gehiago hartu nahi,
ez dudala diru gehiago irabazi nahi.
Gaur uko egin diet
buruhauste eta arazoei,
zabaldu dut leihoa
eta ozen esan dut ezetz,
oihukatu egin dut ere,
ezetz,
ez dudala egingo, ez.
Gaur garrasi egin dut
kaleko bankuan zutik
eta behin eta berriz
aldarrikatu dut:
orain, ez.
