Putzu beroetan sartuta
Udara honetan deskubritu dut
erreka baten ondoan
gaueko paradisua
haizea ez dator bero
baina oraindik da epela
bailara estuaren arroilan
buztinezko mendi eta zilarrezko zuhaitzen erdian
ilargiak hodeien artetik argitu nahi
eta hodeien artetik ni ere galdua
ur beroetako putzuetan biluzik
beroegi gorputz ederren artean
noizbehinka errekaren ur garden hotzetan
burua ere sartuta
atsedena hartzen harlauzetan eserita
maitearekin hizketan
babesten nauen azala zigortuz ur beroaren txingarraz
ziztadek berregina
berriro ere zeruari begira
ilargi desiratua mendi gainetan bilatzen
beste behin ere ur berotan kiskaltzen
beste gorputzen zelatan
maitearekin jolasean errekaren ur hotzetan
joan etorrian berotik hotzera
hotzetik berora etorri joanean
giharrak hezurrak azala
eta arima epeltzen
lasaitzen
ur putzu beroetan udaran
erreka ondoan utziz orainaren bidaia.
