Marroi teilakatua
Bewaterek sartu nau marroi honetan, eta bertatik atera behar. Beraz, irakurleak niri buruz ezagutzen ez dituen bost gauza kontatuko ditut:
1.- Batxilergoa letretan egin nuen, eta artearen historia ikasten, Arkitektura egiteko gogoa sartu zitzaidan. Beka bat lortu Nafarroako Opusera joateko (artean ez zegoen arkitektura eskola publikorik Euskal Herrian) eta lekuz kanpo nengoela ohartuta, hura utzi eta Ekonomia ikasi nuen. Azkenik, matematikako irakasle bukatu dut.
2.- Hamar urte-edo nituela, Garesera joan ginen behin bazkaltzera herriko plazako jatetxe batera, eta gure aurretik bazkaldu zutenen platerak oraindik kendu gabeko mahai batean eseri ginen. Gurasoak konturatzerako, cognac kopa guztietako kondarrak edanda nituen.
3.- Piano ikasketak egiten hasi nintzen, baina hirugarren mailako irakaslea ezin eraman eta utzi nuen. Handik urtebetera, Beatlesen partitura batzuk iritsi ziren nire eskuetara, eta berriz hasi nintzen jotzen, nire kasa, Mendelssohnen Lieder ohne worte (Hitzik gabeko erromantzak) jo ahal izateko maila lortu arte.
4.- Pepeistak eta aita santua izorratzeagatik, iaz ezkondu nintzen.
5.- Sekulan ez dut maparik eraman kotxean, eta hala ere gidatzen iritsi naiz Hamburg, Glasgow edota Ljubljanaraino.
Gogorik badute, jarrai dezatela honakoek: Zerdiok, Barnemuinetan, Aitorr, Konkista ezina…, Pon
NIk ere Opusen ikasi nian ba, lekuz kanpo nengoen ni ere baina urte ederrak izan ziren…Hamburgon eta Ljubljanan gidatzea bale, baina Glasgowen? Hori eromena hori…
Comment by bewater — 2007 - 02 - 17 @ 3:25 pm
pues a ver si nos lo traduces, nene
Comment by Anonymous — 2007 - 02 - 20 @ 10:28 pm
A mi también me gustaría entender lo que que has puesto, qué pena no saber euskera.
(pero que cotilla soy)
Comment by enero20 — 2007 - 02 - 21 @ 8:14 pm