Zure leizea
Ez ezazu jarri begirada hori
zure albotik pasatzen naizenean,
zeru osoa igaroko baita
zure begien zuloetatik
eta irrist egingo dute
mendi hegaleko zuhaixka denek
zure musuen artetik
jauzi eginez sudurraren parean
niganaino heltzeko.
Ez iezadazu esan
maite nauzula,
haranetik behera datorren ibaiak
gainezka egingo duelako
zure ahotik nirera,
eta hego haizearen bultzadaz
eroriko naiz lurrera zuretzat.
Ez nazazu ukitu oraindik,
maindire azpiko itsasoaren beldur naiz,
olatuen menpeko,
denbora geldien senide,
eta zure eskuetatik heltzen den
ozeano urdin ilunak
eramango nau astiro
gozamenaren leizera.
Ederra benetan. Berezia erotismo ekologiko hori
Comment by indezent — 2007 - 02 - 19 @ 12:03 pm
Erotismo ekologikoarena, oraindik entzun gabe neukean. Badakik, naturala, bizitza bera bezala.
Comment by amuitz — 2007 - 02 - 19 @ 12:54 pm
Naturala bai, biziak eta honek sortzen duen edertasunak ematen dio zukua poemai. Beitu Natural eta ez-naturalari buruzko artikulotxo bat, zer pentsatu ematen du.
zerdioken jarrita zeok
Comment by zerdiok — 2007 - 02 - 22 @ 11:59 pm