Beldarrak ozpinetan
Edukiontzi honen barruan lehen aldiz argia jauzi zenean, berdexka zeuden platanondoei ateratzen ari zitzaizkien hosto berriak.
Hostoak handitu ziren egunak pasa ahala eta itzal freskoa eman ziguten udako sargorian, udazkeneko azken epelarekin horitu egin ziren eta neguan erori, itsasoko haize zakarrak astindu zituenean.
Urte osoa igaro da, beroaldi eta lehorteekin, hotzaldi, haizete, ekaitz eta giro mota guztiekin. Aurten, platanondoak zaharragoak dira.
Hostoak atera zaizkie zuhaitzei udaberri berantegi honetan, berriro ere, baina aurtengoak ez zaizkit gustatzen. Beldarrei bai, dirudienez, gustatu zaizkie aurtengo hosto samurrak, ederki ondo bazkatzen dituzte. Gure afarirako beldar potoloak besterik ez dira geratu, ozpinetan.
