Errealitatea
Erabilitako pospolo bat hautsontzian,
eta zigarroaren hondarrak,
kearen azken zirimolak
leihotik sartzen den haizearen baitan.
Norbait egon da hemen duela gutxi,
irratian ahots batek
atzerriko hizkuntza batean dihardu,
euli batek bidai txiki bat egitera ausartzen da
sukaldetik korridorera,
bizilagunaren pausuak entzuten dira
portaleko eskaileretan behera
bere etxeko atea giltzatu ondoren,
errealitatea horrelakoa da,
bakartia, soinu arrotzez betea
eta ahots ezagunetan eskasa,
haize korronteek desitxuratuta,
bazkal ondoko ordu lasaietan.
Denbora asko txoko honetan sartu gabe eta betiko moduan, merezi izan du
Comment by indezent — 2007 - 10 - 03 @ 10:53 am