Kalean behera
Gelako balkoitik hegora begira
behe lainoak estaltzen ditu teilatuak urrutian.
Kalean croissant eta kafesne beroa,
indarrez hasteko ibairainoko bidea.
Irmo zapaltzen ditugu harlauza handiak,
dendetako leihoetan iltzaturik begiak.
Aspaldiko ametsa betetzen ari naiz
eskulturaren azpian ikusten zaitudanean.
Zumardietako espaloi zabalek eta semaforoek
gidatzen dute zuzen eta zeharka gure norabidea.
Beheiti goaz erdi galduta korrontearen antzera,
zeru estaliak eraman ditu bihotzeko arrangurak.
