Argazki zaharrak
Atsedenaldi labur honetan
desagertzen zara
ni hemen utzita.
Ez zaitez joan,
eska nezake oihuka,
ez nazazu utzi,
garrasika.
Zeuk jakingo duzu
zer den nahitaezkoa,
joan zaitez lasai,
emadazu atsedenaldi labur bat,
nik bitartean
argazki zaharrak aterako ditut kutxatik
eta haiei begira geratuko naiz.
Zimurrik gabeko aurpegiak,
mendi arteko bide galduak,
itsasoa, beti itsasoa,
eta zure zain egotearen patxada.
