Amuitz

Mapetan bilatzen egon ondoren

aurkitu dugu jomuga,

erratza hartu eta sorginen moduan

egiteko bidea.

Hara goaz!

Txinpartaren ondoren
iritsi zen sua,
olatuaren atzetik itsasoa,
lorearen ingurutik udaberria.

Nekaldiaren ondoren
iritsi zen oporra,
ur tantaren atzetik ibaia,
zure gainetik ortzadarra.

Gero orainaldia heldu zen,
eta zahartu,
eta etorkizuna izan behar zuena
agortu zen,
baina behin eta berriro
sua eta itsasoa loratu ziren udaberrian,
oporra eta ibaia lehertu
zure ortzadarraren azpian.

Belardi hezeen erditik

igarotzen zen bidea,

maldan behera,

eta bihurgune batean,

sasi artean zegoen etxea,

urteetan landareek hartuta.

Han egin genuen lo

eta han,

esnatzerakoan

eman zenidan musua.

 
Hitz zaurituak

Egutegiko zenbakiak

Ekaitza leihoan

Inguratzen nauten paretetan zintzilik daude erantzunak

Egunak eskatzen du jarrera egonkorra eta baretsua

Bainuontzian jausten den urak soinu ezaguna sortzen du

Babeserako deia

Puntu eta marrak

Hots dardaratiak