Antsietateaz
Alkandora kendu nahiko nuke
kolpe bakar batez,
eta urratu,
leihora ateratzen naiz
haizea hartzera,
eta ezin,
bihotza taupaka dabil ero
eta giharrak tinko ditut
hanka puntetatik sorbaldaraino
pertsiana veneziarrak
danbateko batez
ixten diren bitartean,
non zauden ez dakidalako,
eta antsietatearen oroimenak
hitz guztiak burmuinetik
eraman dizkidalako.
