Jario likatsua

2008 - 06 - 15


Bazenekien egun hau iritsiko zela
eta noiz hasi ote zen dena
abesten hasiko zinela,
erantzunik gabeko
doinua aireratzen.
Biharamunetik aurrera
zereginik gabe geratu ondoren
dardarka esnatuko zinela.
Ez zenekien, ordea,
errepikatutako esaldiari
helduko zeniola alperrik,
musikaren doinuak ihes egingo zizula
pianoaren teklatuaren gainetik,
argindarra joaten denean
hozkailuko izozkiak urtu
eta jario likatsuan erortzen diren bezala.

0 erantzun »

Oraingoz, erantzunik ez

Utzi zure erantzuna


Oharra: mezu bat agertuko zaizu, leihotxo batean sar dezazun ondoan ikusiko duzun zenbakia (zabor-mezuak saihesteko neurria)


GORDETAKO TESTUAK (hilabetea sakatu):

Free Hit Counter