Urruntasunean ulu
Kolorerik gabeko isiltasuna,
hutsune gardena,
itzalitako keinuen
aukera infinituak,
sosegu eta patxadazkoak,
betikotasun zatiezinean
bihurtutako beste une bat,
eta azkenik geratzen naizenean
istant honetan geldirik,
urruntasunean egiten duzu ulu
isiltasuna leherraraziz,
espazioa koloreztatzen duzu
play sakatu izan bazenu bezala.
