Hor doa
Hor doa, hegan bezala airean,
luzatzen duzu besoa,
baita hatz guztiak ere,
esku mugimendu azkar bat
eta sast!
istant batean harrapatzen duzu,
segundo egokian,
agudo ahurra itxi
eta hortxe daukazu,
zuretzako bakarrik.
Mundu osoa
eskuratu duzu,
lekurik betetzen ez badu ere.
Eskua zabaltzerakoan
aurpegi aurrean ipintzen duzu,
haize pixka bat eman, putz!
eta mundu osoa ipintzen duzu berriro
hegan bezala airean.
